17:59 Ղարաբաղյան պատերազմի մասին «Ճակատագիր» ֆիլմի բյուջեն կազմել է 3,8 մլն դոլար | |
Ֆիլմը նկարահանվել է 2005թ, նկարահանումները տեւել են 21 օր, բայց, նրա խոսքով, շատ ծանր էր նախապատրաստական աշխատանքը: Գոռ Վարդանյանը նշեց, որ «Ճակատագիրը» մասնակցել է միջազգային կինոփառատոնների, օրինակ՝«Մեթոդ ֆեսթ» ամերիկյան կինոփառատոնում արժանացել է հանդիսատեսի համակրանք մրցանակին: Թեեւ միջազգային մրցանակներին, «Ճակատագրին» մերժեցին մասնակցել «Հայակ» մրցանակաբաշխությանը՝ պատճառաբանելով, որ ժյուրին այն չի հավանել եւ չի համապատասխանում փառատոնի չափանիշներին: Ֆիլմի պրոդյուսերը տեղեկացրեց, որ իրենց նպատակն էր, որ ֆիլմը դուրս գար արտասահման, որպեսզի միջազգային հանրությունը այն դիտի եւ տեղեկանա: Գոռ Վարդանյանի խոսքով՝ ֆիլմի վրա ծախսվել է 3 միլիոն 800 հազար դոլար, որի մեծ մասը ծախսվել է ԱՄՆ-ում, իսկ նկարահանումները կայացել են Քարինտակ գյուղում: «Ճակատագիր» ֆիլմում 300-ից ավելի մարդ է նկարահանվել, 15 հազար փամփուշտ է օգտագործվել: Ֆիլմի ստեղծագործական թիմի խոսքով՝ իրենք նպատակ չեն ունեցել գումար աշխատել: «Ֆիլմը ցույց է տալիս այն ամենն, ինչն այսօր շատերիս մոտ մոռացվել է, այն քարոզում է հայրենասիրություն, ռազմահայրենասիրություն»,- նշեց Գոռ Վարդանյանը: | |
|
| |
| Всего комментариев: 0 | |
