16:15 Բռնաբարությունը հայերի աչքերով | |
Անչափահասների, կույս տատիկների ուհարսների բռնաբարության դեպքեր միշտէլ եղել են Այնպիսի տպավորություն է, որ հայերի սեռական ցանկություններն անկառավարելի են դարձել, հայ տղամարդիկ սկսել են բռնաբարել ում պատահի, երբ պատահի ու ոնց պատահի: Օրինակ` Գորիսում լուրեր տարածվեցին, որ հայրը բռնաբարել է իր 14-ամյա աղջկան, ու աղջիկը հղի է, հետո տեղեկացանք, որ այդ լուրն այնքան էլ ճիշտ չէր կամ էլ ճիշտ էր: Ասում են` ընտանիքը, շրջապատից անվերջ ամոթանքներ լսելուց հոգնած, ցանկանում էր հերքել տեղեկությունը: Երևանում էլ դեպքերը հաջորդում են իրար: Լրատվամիջոցները պարզապես հեղեղվեցին հայտարարություններով, որ ընտանիքի հայրն անառակաբարո գործողություններ է կատարել իր 7 տարեկան դստեր նկատմամբ: Թարմ է նաև Արարատի մարզի Արբաթ գյուղում տեղի ունեցած նմանօրինակ դեպքը, երբ մի տղամարդ բռնաբարել էր 21 տարեկան մանկամտություն ունեցող աղջկա: Բացի այդ, նշենք, որ այս ընթացքում տարբեր երկրներում հայերը դատապարտվում են բռնաբարության հոդվածով: Հիշեցնենք, որ Մինսկում 41-ամյա հայ տղամարդը բռնաբարել էր իր երեխայի մանկապարտեզի 25-ամյա դաստիարակչուհուն: Կամ մյուս դեպքը. Ռուսաստանում 23-ամյա մի հայ տղա դատապարտվեց 6 տարի ազատազրկման` բուսաբանական այգում օրը ցերեկով մի աղջկա ծեծելու ու բռնաբարելու համար, Յակուտիայում էլ մի հայի դատապարտեցին ընկերուհուն մեքենայում բռնաբարելու և մերկ վիճակում մեքենայից դուրս շպրտելու համար: Բայց այս ամբողջ շարքում ամենահետաքրքրականը Լոռու մարզում ալավերդցի 22-ամյա երիտասարդի պատմությունն էր: Այն հայկական լրատվամիջոցների թոփ 10-ի առաջին պատվավոր հորիզոնականում էր: Այս 22-ամյա երիտասարդը թալանել ու բռնաբարել էր 82-ամյա միայնակ մի տատիկի: Ամենահետաքրքիրն այս պատմության մեջ այն էր, որ պարզվեց` տատիկը կույս էր: Ըստ տարածված լուրերի` այդ տղան սկզբում տատիկից միայն ոսկեղեն ու փող է պահանջել, հետո մտափոխվել է ու «չբավարարվելով» ստացած ոսկեղենով` դիմադրություն ցույց տվող ծեր կնոջը կյանքի մայրամուտին բռնաբարել: Հաշվի առնելով, որ այս և նմանօրինակ անոմալ երևույթների մասին արդեն լսում ենք գրեթե ամեն օր, զրուցեցինք հոգեբանների հետ` ճշգրտելու և իմանալու, թե որոնք են հայերի սեռական ագրեսիայի պատճառները, և արդյոք հայե՞րն են այդ առումով ավելի անբռնազբոս ու անկառավարելի դարձել, թե՞ տեղեկատվությունն է ավելի մատչելի մատուցվում: Հնարավո՞ր է, որ նման բռնաբարությունները մարդիկ սովորեն էկրաններից, ասենք` ֆիլմերից: «Անկախի» այս հարցին հոգեբանական գիտությունների թեկնածու Վահրամ Բաբայանը պատասխանեց. «Այո, հիմա ինչ ասես, որ ցույց չեն տալիս: Նույնիսկ եթե չմեղադրենք հեռուստատեսությանը, ապա ինտերնետը կա ու կա: Իսկ ինչքան էկրաններից մատուցվում է վարքի տվյալ ձևը, այնքան դառնում է մոդելային: Գիտեք, մեր հեռուստաընկերություններն էլ են հետաքրքիր, ասում են, թե այդ ֆիլմերի պահանջարկը կա: Երևի դրա համար էլ ցուցադրում են դեռահասության տարիքում կին-տղամարդ հարաբերությունները, որոնք ագրեսիվությամբ են ընկալվում: Իսկ ինտերնետային ֆիլմերը` ագրեսիվության թիվ մեկ տեղում են»: Ասենք, որ բռնաբարության կամ սեռական ոտնձգությունների աղմկահարույց դեպքեր գրանցվում են հիմնականում Հայաստանի հեռավոր շրջանների գյուղերում, երբ սկեսրայրը տղայի հետ հավասարապես «օգտագործում» է հարսին կամ հայրը սեռական կյանքով է ապրում կնոջ ու սեփական երեխայի հետ: Հոգեբույժ Գևորգ Սարգսյանից էլ հետաքրքրվեցինք, թե նման շեղումներ ունեցող շա՞տ հիվանդներ կան: «Գիտեք, դրանք վարքի խանգարման ձևեր են, որոնք միշտ էլ եղել են ու կլինեն, պարզապես այդ դեպքերը գաղտնի են պահվել: Խորհրդային ժամանակահատվածում մենք հնարավորություն չունեինք հայտնելու այդ մասին, թույլ չէին տալիս: Օրենքը խիստ էր, իսկ հիմա ասում ենք, որ հասարակությունն իմանա»,-ասում է հոգեբույժը: Հետաքրքիր էր իմանալ այս շեղումների հիմնական պատճառը: Հոգեբույժը նախ ժպտաց, հետո էլ ասաց. «Պատճառները կարող են տարբեր լինել` հոգեկան շեղումներ, սեռական հակումների աղավաղման խնդիրներ, նույնիսկ սոցիալական խնդիրներ»: Մեր զրուցակիցներն ասացին, որ իրականում նման դեպքերի շատ հաճախակի են հանդիպում, պարզապես քչերն են բողոքում: Պարզվում է` շատերը ամաչում են բարձրաձայնել այս մասին:
| |
|
| |
| Всего комментариев: 0 | |
