Главная » Файлы » Мои файлы |
[ · Скачать удаленно () ] | 15.03.2012, 16:45 |
Մեզանից ոչ բոլորը գիտեն իրենց արյան խումբը և ռեզուս-ֆակտորը` փորձեք հարցնել ընկերներին, բարեկամներին, շատերը կթափահարեն ուսերը: Բացառություն են կազմում ապագա մայրիկները, որոնց ուղղակի անհրաժեշտ է իմանալ` ռեզուս-կոնֆլիկտից խուսափելու համար, որը եզակի հանդիպող, սակայն լուրջ խնդիր է: Կոնֆլիկտի հավանականությունը Համարյա յուրաքանչյուր զույգ լսել է վախեցնող հնարավոր անհամատեղելիության մասին` մոր և երեխայի միջև: Նշենք, որ ռեզուս կոնֆլիկտը հազվադեպ հանդիպող երևույթ է: Այն վտանգավոր է միայն այն դեպքերում, եթե ապագա մայրիկը բացասական ռեզուսի կրող է, իսկ հայրիկը` դրական: Վիճակագրության համաձայն մարդկանց միայն 15% ունեն բացասական ռեզուս, եթե դուք նրանց թվում եք, ապա պետք է իմանաք, որ դրական ռեզուսով երեխայի ծնվելու հավանականությունը 50% է: Նշենք, որ կոնֆլիկտի զարգացման հավանականությունը առաջին հղիության ընթացքում այնքան էլ մեծ չէ: Ամեն դեպքում ապագա ծնողները պետք է ձեռնարկեն բոլոր միջոցները խնդիրներից խուսափելու համար: Կոնֆլիկտի էությունը Իրականում ռեզուս-ֆակտորը սպիտակուց է, որը առաջանում է կարմիր գնդիկների (էրիտրոցիտների) վրա: Բացասական ռեզուսով մարդկանց մոտ դրանք բացակայում են: Առօրյա կյանքում այդ առանձնահատկությունը ոչ օգնում, ոչ էլ խանգարում է: Խնդիրները կարող են առաջանալ միայն ռեզուս բացասական մոր ռեզուս դրական պտուղ կրելու ժամանակ: Կոնֆլիկտի էությունը նրանում է, որ պտղի ռեզուս ֆակտորը ընկերքի միջոցով անցնում է մոր օրգանիզմ, որը այն ընդունում է որպես օտար մարմին: Դրանց դեմ պայքարելու համար մոր օրգանիզմը հակամարմիններ է արտադրում, որոնք իրենց հերթին ոչնչացնում են երեխայի էրիտրոցիտները: Եթե առաջին հղիության ընթացքում մոր արյան մեջ հակամարմինները բացակայում են, սովորաբար պտղին ոչինչ չի սպառնում: Կոնֆլիկտը զարգանում է միայն դեպքում, երբ պտղի արյունը ինչ-որ կերպ անցել է մոր արյան մեջ: Երբ դա կարող է տեղի ունենալ Ընկերքի անջատման ժամանակ (ընթացող հղիության ժամանակ): Ռեզուս անհամատեղելիության վտանգները Ռեզուս կոնֆլիկտը լուրջ վտանգ է հանդիսանում երեխայի առողջության և կյանքի համար: Առաջին հերթին պտղի լյարդը և փայծաղը սկսում են արագ էրիտրոցիտներ արտադրել, ինչը հանգեցնում է նրանց մեծացմանը: Երբ այդ օրգանները անզօր են էրիտրոցիտների ավելցուկի դեմ, երեխայի արյան մեջ կտրուկ նվազում է հեմոգլոբինի մակարդակը, զարգանում է անեմիա, ինչը իր հերթին կարող է հանգեցնել թթվածնային քաղցի: Երկրորդ` կոնֆլիկտի ընթացքում արյուն են "նետվում” մեծ քանակությամբ բիլիրուբին(լեղու պինգմենտ), որոնք նպաստում են նորածնի դեղնախտի զարգացմանը: Երրորդ` հակամարմինների կողմից էրիտրոցիտների ակտիվ քայքայման հետևանքում պտղի մոտ կարող է հեմոլիտիկ հիվանդություն սկսվել: Ինչպես նվազեցնել ռիսկերը Սա այն հարցն է, որ հուզում է ապագա մայրերին: Եթե զույգը գտնվում է ռիսկային խմբում, ապա կինը պետք է բժշկի հսկողության տակ լինի, պարբերաբար արյան անալիզ հանձնել` հակամարմինների առկայությունը ստուգելու համար: Եթե դրանք չկան, ապա անհանգստանալու հարկ չկա: 28 շաբաթականում, եթե բացակայում են հակամարմինները, պրոֆիլակտիկ նպատակներով ներարկում են հակառեզուս իմունոգլոբուլին: Եթե կոնֆլիկտը զարգացել է, ապա բժիշկները ամեն ինչ կանեն երեխային փրկելու համար: Կկատարվի հետազոտություն, որը ցույց կտա բիլիրուբինի առկայությունը պտղաջրերում, ՈՒՁՀ ցույց կտա պտղի լյարդի, փայծաղի մեծացումը: Ժամանակին շեղումների հայտնաբերումը թույլ կտա միջոցներ ձեռնարկել: Երեխայի փրկության համար բժիշկները կարող են առաջարկել կեսարյան հատում, ներարգանդային արյան փոխներարկում: Ցանկանում ենք թեթև հղիություն և առողջ երեխայի ծնունդ: | |
Просмотров: 1070 | Загрузок: 291 | Рейтинг: 0.0/0 |
Всего комментариев: 0 | |